關心妍Jade演唱會舉行在即，近日密鑼緊鼓綵排，今日現身Band房作最後準備。Jade表示已準備就緒，但騷期迫近難免緊張：「因為籌備時間唔多，所以綵排都唔係好多次，唯有次次排歌都當開騷咁做，真係好刺激呀！」問Jade囡囡上台表演有沒有眉目？她說︰「專登搵咗啲好薄嘅瑜伽墊，希望可以完成佢上台打觔斗嘅夢想。」
近日Fans不停網上留言估嘉賓，Jade就話好難滿足大家：「嘉賓唔會太多嘅，總之有男有女啦，因為我都想自己唱多啲歌，Fans日日都網上點唱，我都會盡量睇時間，希望唔好超時，好驚搞到主辦俾人罰錢。」雖然疫情緩和，但Jade不敢掉以輕心，用最高防疫規格作準備：「因為我哋要對觀眾負責，真係好驚自己病，所以都謝絕晒所有探班，最緊張係我老公，每日我去試衫綵排嘅地方，佢都會先去消毒、擺晒消毒機，所以佢係呢個騷嘅衛生組組長，有佢喺度我都好放心。」