奶仔同媽咪、家姐，一家人感情都非常好。
關心妍、周志康、方紹聰（奶仔）在昨晚播出的節目《日日媽媽聲》擔任嘉賓，其中奶仔更帶同餅印媽「美麗姐」齊齊亮相。出身於普通家庭的奶仔，與爸爸、媽媽及患有輕度弱智的家姐感情要好。雖然家姐未能以言語與奶仔溝通，但因他們自小到大一起相處，所以可能一個眼神，已默契十足。
奶仔媽媽「美麗姐」樂天開朗。
奶仔最難忘家姐看到他在《特技人》中演出後的開心反應，奶仔說：「嗰時成家人一齊食飯，咁啱電視播到我嘅畫面，家姐睇住個電視，企起身好開心係咁拍手掌，仲行出去指住部電視，再行埋嚟攬住我，同其他人客講：『呢個係我細佬』。」奶仔硬咽續謂：「我嗰刻好感動，我以為我開心，原來佢戥我更加開心。」媽媽「美麗姐」大爆奶仔出生時已有八磅二，生得好辛苦，因為生得太用力，媽媽塊臉爆了微絲血管。「美麗姐」續指奶仔小時候有專屬二人的親密行為：「我餐餐都要同佢碌卡，我哋用臉嚟碌卡咯！」奶仔即笑謂跟媽媽餅印樣就是這個原因。
奶仔在《特技人》的劇照。
至於關心妍就重提囡囡的神奇「胎前記憶」，因為囡囡曾跟她說：「我喺嚿雲上面等咗你好耐，Jesus喺嗰度俾我揀（媽咪）。」
已育有兩女的周志康，沒試過被女兒撈亂他和孖生哥哥周志文，但老婆就認錯過一次，當時對方第一次上他家，還未知他有個孖生哥哥，當阿哥去開門時，就奇怪面前是個既熟悉又陌生的人。
關心妍想鼓勵媽媽們，你等緊佢（BB）之餘，其實佢都等緊你。
周志康話因為父母好恩愛，所以自細已對婚姻充滿期盼。
