鍾慧冰日前擔任香港開電視節目 《嘉嘉醫療自助班》的嘉賓，分享在更年期的狀況及感受，她坦言因容貌愈來愈老而感難受。 節目中，鍾慧冰大方分享更年期出現的情況，更曾懷疑自己抑鬱：「知道自己更年期，首先係因為有潮熱，突然會覺得好熱，成日好忟憎，最明顯係好容易喊，少少事都會喊，就連睇喜劇都喊，有一段時間懷疑自己抑鬱，好難面對自己，尤其係當發現個樣愈來愈老，有次發現自己條眼眉斷咗，心諗『死喇，唔通更年期會甩眉毛？』但望真啲，原來唔係甩，喺嗰節眉毛變白，感覺好難受，喊咗好耐。」
