《十八年後2.0》劇情愈趨緊張，昨晚播出的第18集更引爆高潮，原來Jason（陳山聰飾）有易服癖，Queenie身亡當晚、穿着豹紋鞋和漁網絲襪的「女人」竟然正是他，令Jason殺死Queenie呼聲最高，但不少網民都說Jason未必是真兇：「冇理由咁快就爆FINAL BOSS 出嚟，陳山聰個身份亦揭露得太刻意，佢未必係FINAL BOSS」。
昨晚山聰的演出可謂搶盡鋒頭，「易服」後的金髮女郎Look相當吸睛，無論是外形、神情均十分妖艷，舉手投足滲出陣陣女人味，得到不少網民大讚，山聰亦於IG留言感謝化妝師之餘，並希望「冇嚇親大家」：「作為一個演員收到任何角色都一定會盡力去演活佢，我係一個好crazy嘅演員，所以我一定全程投入，首先感謝監製Simon同編審創作咗呢個角色俾我，感謝視帝肯陪我癲。」而在IG中，山聰更放了一張同視帝譚俊彥的「嘴嘴相」，不知是不是太激被CUT走，所以昨晚未見這一幕，抑或等到最後兩集，就會見到這一場破格戲？
事實山聰為了今次演出花了不少心機，「因為要著女裝，唔想太大隻，所以都有節食，同埋著咗兩對絲襪遮腳毛。」山聰又謂角色造型相當保密，除了部分演員及工作人員外，就只有太太事前見過他的女裝造型，並讚他「幾靚女」。
