由《全民造星4》幾位參賽者VAL、CK、暐翹、榛綦及Ariel自資組成的女團Strayz，昨日（25日）正式亮相，首度於公開場合演出。5位成員的心情都十分興奮，為了這次演出更做足準備，更窩心地自備禮物送粉絲。
Strayz隊名源自「Stray（流浪）」一字，象徵隊長VAL、副隊長CK、暐翹、榛綦及Ariel是一班流浪的小朋友。以「流浪」形容自己，VAL解釋道：「我哋冇簽公司，自資做自己想做嘅音樂，因而得名。」她們昨日以女團身份首度演出，參與《TIME’S UP Live》，演繹《#A5110》、《純孩兒》及《Stray》三首作品，其中《Stray》更她們即將推出的首隻派台歌，讓觀眾先聽為快。Strayz十分重視這次演出，特地於演出前三星期將歌曲重新編曲，再加以練習，CK表示：「其實得知有演出機會嘅時候，當下好興奮係真嘅。雖然籌備演出時遇到唔少困難，但我哋都有準備好自己，亦有勤加練習，希望做到最好，同時亦希望每位成員演出得舒服，觀眾又睇得開心。」
CK更指她們都是懷着感恩的心情踏上舞台，這次演出拼盡全力。首度演唱《Stray》，暐翹十分期待，坦言：「因為首歌對於我哋嚟講意義好大，當中所有歌詞嘅意思都係我哋想表達嘅Message同感受，所以想用好真誠同開心嘅感覺去唱俾大家聽。」
不過在昨晚的演出中，Strayz在準備唱第二首歌時，現場出現了技術問題，一直未能開始演唱，Ariel隨即情急智生，在台上以爛gag當笑話，與VAL一唱一和，成功帶動了現場氣氛，不過事後暐翹笑言：「Ariel係我哋嘅笑話擔當，我哋平時相處都係咁樣。」Ariel則繼續搞笑說：「其實係Plan咗有個位俾我講笑，所以唔使擔心。」VAL剛開始時略帶緊張：「唱第一首歌時係有少少緊張，跟住第2、3首歌就放鬆晒！」Ariel見到朋友在台下不停向她拍攝，看到熟人後心情也變得輕鬆起來，而CK則說：「我在《純孩兒》時有啲尷尬，因為有啲位我冇乜得唱，行行企企，但因為好多Cam（攝影機）對住我，就諗住擺甫士，但擺極都唔啱，好在跟住第三首可以郁動多啲，令我真係釋放！」
CK對於Strayz的首度登場，只給自己60分，因為覺得可以做得更加好，Ariel則要回看Playback才知表演如何，但感覺上，應該可以有70至80分，而台下粉絲熱烈的反應，都讓她們十分感動，特別是VAL，她說：「見到台下好多燈牌，好開心，好想完Show即刻出去搵佢哋！」暐翹又透露，為了答謝粉絲的厚愛，她們特別為粉絲準備了小禮物：「榛綦係我哋嘅廚藝部，佢整咗曲奇，再加埋我哋做嘅心意卡，送俾Fans。」
