TVB節目《日日媽媽聲》昨天播出最後一集。車婉婉分享育兒經歷，表示囝囝BBQ出生後不久發現患有先天性心臟病，當時她被嚇得即場爆喊，幸好BBQ最後「食得瞓得」兼不用做心臟手術，令婉婉十分感恩。她眼濕濕地分享BBQ的窩心事：「佢話唔想我老，唔想我去天父爸爸嗰度，但我話天父爸爸嗰度個個都要去，佢就話：『咁好啦，我同你一齊去。』真係好純真同Sweet。」
節目尾聲，主持人余安安、羅敏莊和陳凱琳感謝她們的「最強守護者」。余安安指自己「最強守護者」是已去世的媽媽，她從母親身上學會了「排除萬難照顧下一代」，談到最遺憾的事，她說：「媽媽離開時，我喺內地做緊舞台劇送唔到佢最後一程，嗰時要好辛苦咁抑壓住自己嘅情緒，因為唔想影響團隊，所以冇講俾任何人聽。當完咗最後一場騷，我即時衝咗出去踎低爆喊。」
而羅敏莊則與老公陳國邦一同亮相，並說老公比她更細心︰「有時啲問題我淨係睇到表面，但佢就好似剝洋蔥咁，一層一層揭開講你聽，雖然有時有啲煩，但其實係啱嘅。」至於陳凱琳則透過視像與媽媽Connie隔空對話，並感謝媽媽多年來無微不至的照顧，場面溫馨。
