蘭茜（簡詠嫻）絕迹幕前多年，去年11月以藝術家身份於文化中心舉行書畫展，再到今年3月重現熒光幕，接拍電視台劇集，雖然只是客串演出，但久違幕前已令觀眾甚為驚喜，近日她再有復出動作，就是拍攝女士頭髮護理產品。「初時我會有啲緊張，但原來埋返位又覺得OK喎！這個團隊每一個人都好專業，好放心，所以我一埋位，咦，嗰種感覺返番嚟！」
由去年舉行個人書畫展開始，蘭茜給人完全蛻變的感覺，甚至更惹來整容疑雲，她笑言 :「一定要多謝我的牙醫，另外我覺得大家內心美麗，所以睇到我依家靚咗！以前的我，其實都係我，不過當時年紀輕又鍾意玩，於是嗰陣時用嗰個方法去表述自己；今日的我選擇另一種對話的方式，可能用文字用畫作，用書法同大家溝通，可能這樣大家比較有新鮮感！」
離開電台淡出娛樂圈，多年來一直有傳蘭茜嫁了圈外富商。這次蘭茜首度開腔回應傳聞，「多謝大家對我祝福，其實我係未結過婚！一個人精采生活，我覺得非常之享受！」面對傳言，何解多年不作回應？蘭茜說道，「不是事實的，我覺得唔需要回應！」
