陳凱琳（Grace）出席代言活動，因為結婚周年、老公鄭嘉穎和爸爸生日都在8月，所以非常忙碌。今年一家四口到主題樂園慶祝，Grace希望明年有機會出埠旅行：「細仔喺疫情最嚴重時出世，都未去過旅行，想帶佢去峇里島，睇睇爹哋媽咪結婚地點，或者去溫哥華探我細佬。」
最近主力當主持及拍網上節目，Grace未有為將來拍劇封後路，但認為現階段當主持最舒服；老公則非常清晰，好喜歡做戲。問到嘉穎會否到內地工作？她說：「佢依家喺度陪小朋友，佢成日都話唔想錯過呢個階段；加上疫情仲未完，佢都驚如果感染咗返屋企，影響到小朋友，想睇定啲情况，喺最安全時候先出去工作。」
