67歲蘇施黃上月中在自家YouTube頻道「教煮蘇 This is So good」上載新片，公布患有第三期大腸癌。當時阿蘇透露，原來早在9月尾已入院做檢查，發現患大腸癌後即接受手術，之後住了8日醫院，並在出院前一日拍片講述情況。
她指即使患上大腸癌第三期，最重要保持心境開朗，並透露將會在下月接受化療：「最緊要心境開朗，全靠食物，我依家仲有大考驗，因為仲要做化療，唔緊要，化療完又擦過，朋友話化療前先吃為敬，化療後再吃為敬。」
先吃為敬的阿蘇，今日（4日）在社交平台出po，除咗一張近照，仲有一碟焗豬扒飯相，阿蘇在帖文寫下：「入咗港怡醫院預備做第一次化療 食個焗豬扒飯振奮吓心情先
曾路得send 比我
“A cheerful heart is good medicine, but a crushed spirit dries up the bones.” Proverbs 17:22」 呢句聖經經文由阿蘇好友曾路得俾佢，「喜樂的心乃是良藥，憂傷的靈使骨枯乾。」面對化療，一樣要以喜樂的心面對，阿蘇，加油！化療完又再擦過呀！