韓流男神宋仲基夥拍「百想影帝」李星民，以及氣質女星申鉉彬主演的Viu Original原創奇幻韓劇《財閥家的小兒子》，首播叫好叫座，連鄭裕玲（Do姐）也在電台節目，大讚男神玉樹臨風，還自爆特別鍾情性格演員李星民，對劇集讚不絕口。
Do姐讚男主角宋仲基人設「萬中無一」：「屋企環境相當唔錯，而且靚靚仔仔，去到中學、大學甚至係校草，成績好、體育好，仲考入知名大學！」Do姐還自爆過去未有收看宋仲基的作品，「雖然我冇睇過佢嘅戲，但係我喺MAMA頒獎禮見過佢真人，的確係玉樹臨風！不過唔知點解一直冇吸引到我睇佢嘅作品，直至呢套；宋仲基好嘢嘅地方就係，佢今年都37歲，但係佢可以扮大學生喎，你唔會覺得佢扮𡃁仔！依家播咗三集，佢嘅野心已經出咗嚟、有晒部署，淨係睇演技我都覺得好睇！」
劇中飾演順洋集團大家長陳養喆，李星民向來演技非凡，更囊括百想視帝、影帝，以及大鐘獎最佳男主角等多項獎座，Do姐大讚其實力出眾：「只要有佢出現嘅劇集，佢都會盡力做，佢嘅角色亦都非常有魅力。李星民喺第一集最尾出場，佢無講過一句說話，但係嗰種攝人嘅魅力，會令你覺得『有呢個演員喺度就掂喇！』」
