張敬軒最近和造型師Constance Lee孖住拍廣告，片中造型師一邊負責開車，一邊跟軒仔聊天，大談護膚心得。提到軒仔是否擔心造型師的駕車技術時，他笑說：「當然唔係，如果我揸可能大家仲驚，哈哈。」拍攝後軒仔亦大讚造型師表現，「平時Cons姐（造型師）幫我搵衫、搞造型係好妥當，我好信任佢，冇試過出現造型師整蠱藝人系列，估唔到而家佢連上鏡嘅表現都咁淡定，好自然。」
至於今次孖住造型師搵銀，軒仔笑說：「係為咗我日後造型着想。」其實去年時裝節目《Fashion Killer》也有請來Constance擔任顧問，她亦曾邀請軒仔上節目助陣，軒仔二話不說一口答應擔任其中一集嘉賓，瞓身支持戰友，可見軒仔與工作團隊成員感情深厚。