無綫劇集《法言人》昨晚（21日）播出的單元故事情節感人，健美中心老闆娘Macy（康華飾）女兒淇淇（黃可盈飾）因患癌病危；每次愛女出事，Macy必心慌意亂，因而被控不小心駕駛鬧上法庭，幸好獲田佑家律師（林夏薇飾）及金師爺（馬國明飾）傾力打官司成功脫眾。金師爺更為淇淇圓夢，「撮合」淇淇與偶像胡鴻鈞（胡鴻鈞Hubert飾）見面兼合唱。其中Macy為愛女化妝喊不停，淇淇堅強笑問：「係咪我太靚，媽咪唔抵得我呀？」之後又向Macy說出最後心願：「就算以後剩番你自己一個，你都要開開心心，記得要成日笑，笑多啲，人都健康啲。」
飾演淇淇的黃可盈曾憑《星空下的仁醫》中的未成年懷孕少女角色引起關注，不但演技獲認可，熱愛唱歌跳舞畫畫的她更擁8級鋼琴資格。雖然可盈只有18歲，但由於5歲已開始做童星，演出經驗豐富，至今拍攝超過35部劇集，另外還有電影及廣告演出。現正修讀Year 1的可盈，表示是次演出最大驚喜是與相隔11年後再與馬國明合作，可盈說：「基本上佢冇乜點變，依然都係咁型仔，同埋成熟穩重咗。」
可盈又透露很開心能在劇集中獻唱並獲Hubert教路：「我好鍾意唱歌，但冇公開演唱經驗嘅我要同專業歌手一齊唱，真係有少少緊張。好彩拍攝當日我哋試錄咗3次就good take，Hubert哥哥好nice，有俾唱歌意見同鼓勵我。等埋位時我都有同佢傾偈，佢好傾得同埋會講笑，我哋仲唱《到此一遊》打發時間。」
可盈曾演出不少慘情角色，在《法言人》中亦是眼淚不斷，她謙稱自己喊戲還有進步空間，並大讚媽咪康華「話喊就喊」兼好人：「有一晚我哋拍得比較夜，康華姐擔心我自己返屋企危險，主動話車埋我。」可盈又感謝劇組：「呢隊crew好有愛，希望觀眾會鍾意《法言人》，非常感謝。」
可盈與康華相處融洽，玩得相當開心，康華透露劇中喊戲基本上都是一take過完成，並感激視后薇薇及監製導演均給予不少讚賞，令她拍得更投入及有信心：「佢哋成日問我點解可以啲眼淚話出就出，而且仲要夾啱鏡頭，喺到適當時間流落嚟。」康華笑言當年拍攝《宮心計2深宮計》時，也是與愛說笑的韋家雄玩得很開心，但「開心過籠」後要埋位拍感情戲很高難度：「佢訓練我喊前狂笑，再一秒入戲狂喊。」除了好玩，康華又笑指拍《法言人》好凍：「有一幕我哋喺正TVB風口位拍，嗰日係香港當時最低溫一日，嘩！大家真係凍到僵晒，有擔心過啲眼淚流落嚟會結冰。」
