陳奕迅（Eason）將於下星期前往台北小巨蛋舉行7場演唱會，昨日（9日）Eason在港跟數百歌迷聚會，讓歌迷率先為他慶祝今個月（27日）生日。
歌迷會進行了近四小時，Eason切了足足四個蛋糕，其中有他最喜愛的網球扑扑蛋糕，另一個是燒味砌成的中式叉燒油雞燒鵝髀蔥油飯蛋糕，吹蠟燭許願後，他更第一時間把燒鵝髀拉出來即食，十分可愛！談到生日願望，Eason說：「講出來就唔靈啦！其實人愈大追求愈少，最希望都是身體健康，同之後巡迴演出順順利利，如果可以再貪心，老土啲就希望世界可以和平健康，沒有戰爭與疾病。」
每位入場歌迷也各自寫了一封信給他，大家把信件統通放進大型「係咁咦」利市封中送給Eason，他在現場像人捐山窿般，整個人捐入大利市裏面抽出歌迷信來讀出，場面搞笑有趣。除了與歌迷吹水和合照外，Eason好友葛文輝也有前來參與他的生日會，並且在現場為香港歌迷做開箱，第一次展示由他幫忙設計的Fear and Dreams 演唱會重量級紀念特集BOX SET。歌迷會接近尾聲，Eason跟歌迷說：「大家俾我的信，我會返去慢慢睇。今日真係非常之咁開心，我會開心好耐，因為好耐好耐冇咁近距離見大家，好耐冇同咁多人吹水，我會將呢個開心帶去台北，今日攞晒你哋啲力量，到時你地發覺陳奕迅喺台北唱得幾好喎，你哋就知道，係你有份俾力量我！本來就去台北，心情都好緊張，依家冇咁緊張啦….多謝大家。」