下周二（12日）是哥哥張國榮67歲生忌，一向是哥哥粉絲的譚偉權（Gary）在IG宣布，即將在9月12日舉辦音樂會，向哥哥致敬，為了今次他更把哥哥的經典金曲重製一首medley《Redolence》。
Gary雖然忙於演出長壽音樂劇《我們的青春日誌》，不過他表示籌辦該場音樂會是命中注定，他說：「我好鍾意哥哥，而今年係佢逝世20周年，4月1日我on 緊show所以做唔到啲咩紀念佢嘅嘢，直至最近我make sure 9月12日我係唔使演出，突然間覺得好似個天要我做返啲嘢咁，於是我內心就產生咗呢個music gathering 嘅念頭。我知距離912嘅日子，剩返唔夠兩個禮拜，我只係好希望可以有多啲人入場，同我一齊向哥哥致敬，同埋可以藉住呢個機會將哥哥嘅經典金曲繼續傳承落去，比更多嘅人認識到。」他續說：「今次music gathering 之後，我都唔知仲會唔會再搞任何類似嘅表演，可能係最後一次，某程度上就當係啦！所以希望大家支持下我，同我坐爆個場佢，共同渡過一個晚上，將美好嘅回憶一齊帶住返屋企啦！」
相片來源：譚偉權@Instagram