無綫劇集《破毒強人》昨晚（7日）的一集，主角之一張曦雯飾演的Jackie，被行徑日趨瘋狂的文華（陳豪飾）在其車上裝了炸彈，期間葉浩天（蕭正楠飾）及Jackie爸爸鄧Sir（張國強飾）帶隊前往營救，葉Sir為了與Jackie同生共死，主動登上「炸彈車」，不過Jackie明顯不想連累阿天的一幕十分洋蔥，但擾攘一輪後，Jackie使計令阿天落了車獨自面對生死，並決定不聽文華勸告剪斷紅色線，結果當場被炸死，令網民難以置信「因為主角通常都係有驚無險」！
張曦雯整場戲表現均相當亮麗，除了含淚對着肉緊的爸爸鄧Sir強顏歡笑場口令人動容，當她下定決心博一舖剪紅線時，更害怕得眼淚鼻涕一齊流，完全感受到角色的絕望及驚恐，成功吸獲正評；至於蕭正楠則被指上車陪Madam一刻又型又Man。其實該場爆破戲並不簡單，為拍出汽車被炸至空中翻騰兩周半，劇組出動大型吊車協助拍攝，而且一take過不容有失。
至於今晚大結局，最備受關注的絕對是文華與阿天的雨中終極生死戰！該場戲長達約三分半鐘的正邪大戰，兩位男主角為求逼真更出盡全力。官方花絮片記錄了正邪大戰重頭戲拍攝花絮，陳豪與蕭正楠埋位前有講有笑，不過一正式試戲二人已極速角色「上身」；雖然試戲是以慢動作模式進行，但兩位均相當認真，出盡全力一度打至嘭嘭聲，又齊齊化身空中飛人凌空被拋落地。阿蕭受訪時透露結局打戲由晚上7點打至翌日早上6點，雖然拍攝是六月天氣和暖，但由於被水車噴足成晚，阿蕭坦言凌晨後開始見凍：「我記得嗰晚我哋打到忘形時，有同事知我哋凍，走去買咗杯好暖嘅奶茶，我覺得杯嘢好溫暖。」
阿蕭坦言為配合劇中角色「極致憤怒」的狀態，有臨場要求加對打動作：「要打就打到盡，唔好咁錫身，所以一嚟嗰個飛踢好靚，阿Mo（陳豪）反應做得好，我自己又盡力去踢，所以出嚟效果好睇。（咁投入有冇受傷？）返到屋企係有損少少，但唔嚴重。今次拍動作戲最難忘喺成個打鬥都係喺水中進行，我覺得係男人的浪漫。」
