《中年好聲音》第一季季軍羅啟豪出道短短幾個月，已經有接近一千名「豪殼」（歌迷暱稱）報名參加歌迷會（「豪吧」）。豪吧最近為啟豪籌集資金，港九新界共35個巴士站買下大型燈箱廣告，為他宣傳網上推出的「歌曲重 Sung」系列。為了報答一眾「豪殼」，啟豪前日（21日）在尖沙咀栢麗大道自己的燈箱廣告位置，與粉絲見面、打卡，還特別為大家送上驚喜。
這次答謝活動雖然在辦公時間舉行，仍無損「豪殼」的熱情，吸引超過120人出席。「豪殼」原以為只站在燈箱前等啟豪出現，再拍合照，豈知啟豪竟然在巴士燈箱後走出來，還唱出「歌曲重 Sung」版的《為妳鍾情》，令一眾「豪殼」既驚喜又興奮！
這幅廣告海報由身為設計師的啟豪親自設計，宣傳其網上影片串流平台推出的「歌曲重 Sung」 系列，他介紹道：「喺比賽後期開始，我好榮幸有歌迷响網上幫我改咗個花名叫『金曲活化機』。佢哋話覺得我活化咗一啲佢地遺忘嘅舊歌，甚至令佢地愛上咗一啲本來唔識，甚或原本唔特別鍾意嘅舊歌。我因為自小就好怕醜、好內向，响未搬返香港之前，一日到黑就係匿埋喺屋企，聽同唱八九十年代嘅中文歌，尤其係一啲非主打歌。而家有粉絲嘅支持，就希望透過呢個『歌曲重 Sung』系列，將我鍾意嘅歌，用自己嘅方法重新演繹、重新介紹俾聽眾，特別係咁欣賞我唱歌嘅歌迷。」
另外，啟豪希望透過這個系列，向有份成就每首歌的幕後工作人員道謝，「我聽歌會特別留意每首歌嘅作曲家、填詞人同監製，因為係佢地將呢啲咁好聽嘅歌曲，帶到嚟呢個世界。我亦知道每一張唱片背後，其實都有一個 A&R 團隊，為歌手定歌路、揀歌，每個月可能要聽幾百首作品，去為歌手揀選最適合佢哋嘅歌曲。所以，我哋嘅樂壇之所以出現咁多咁好聽嘅金曲，佢哋絕對係功不可沒，我好希望向呢一班幕後功臣致敬。」這系列中的第一首歌，就是哥哥張國榮的《為妳鍾情》，也是啟豪在人生第一個粉絲聚會中唱的第一首歌，他覺得用這首歌揭開「歌曲重Sung」系列嘅序幕，實在最適合不過！
在答謝活動中，啟豪驚喜演唱後，隨即跟「豪殼」以及總動員去到現場支持他的爸爸媽媽、兩位家姊站在燈箱廣告前合照。粉絲會「豪吧」因為不想對行人造成阻礙，所以就請一眾「豪殼」一字排開，等啟豪用自己的電話，跟大家一一selfie，大家亦很守秩序地排隊等候，畫面既感動又有愛！
