42歲的甄采浠在無綫劇集《你好，我的大夫》中飾演32歲的鄭衍峰媽咪，昨晚（25日）劇情講述西醫成子謙（鄭衍峰飾）及方奕菲（甄采浠飾）逼辜清勁中醫師（何廣沛飾）引咎辭職，皆因方醫生是成家傑醫生（曾航生飾）太太，並早已得悉清勁是成醫生於大學時期與前女友生下的兒子，為此她公報私仇。
網民鬧爆方醫生：「女人妒忌起上嚟都幾恐怖」外，亦指她與鄭衍峰演母子感新鮮。甄采浠受訪時坦言要飾演比自己真實年紀大一截的角色確實有擔心，幸獲監製鼓勵，並指在造型上戴眼鏡及紮髻有助其投入角色，但亦因而多了限制：「開頭冇話戴眼鏡，後尾覺得戴咗眼鏡專業啲同成熟啲，不過戴咗眼鏡就有個小局限，就係我唔可以郁得太勁，因為一郁就會反光，驚會反射到個鏡頭影響拍攝。不過咁亦都好嘅，因為我個角色心計好重，雖然內心控制欲強又易呷醋，但礙於喺人前要Keep住係好媽媽、好太太、好醫生，所以好多嘢要收埋喺心，唔可以外露，對我嚟講係好難。」
甄采浠又補充指是次是其首次飾演醫生，更因而破例在家「背對白」：「因為我唔係好鍾意背對白，我鍾意將對白變生活化，所以主要都係記point。今次係我唯一要背對白嘅角色，好多對白都唔係咁生活化、又有唔少專業名詞，對於我都係一個挑戰。」
