MIRROR上個禮拜飛到澳洲拍攝團綜，難得飛到當地，各成員都上載了不同街頭、風景照，令人羡慕。當中，邱士縉（Stanley）寫上：「唔係講笑，今次好歎！」
至於有幾歎呢？原來他們去了坐熱氣球睇日出，姜濤今天（2日）在IG分享與Stanley、盧瀚霆（Anson Lo）、呂爵安（Edan）、李駿傑（Jeremy）、柳應廷（Jer）坐熱氣球的合照，寫上：「the best moment，看到最後！」姜濤拍下了看日出的片段，片中可聽到Anson Lo興奮說：「我第一次睇日出啊！」Edan則說：「升得咁快㗎原來！」
而另一條片Anson Lo在草地上行得甚為狼狽，姜濤在旁連環笑住大叫：「Anson Lo踩屎啊！Anson Lo踩屎啊！」Anson Lo則笑着跑去姜濤面前，兩人十足十小朋友一樣！不少網民看見今次MIRROR澳洲之旅，多麼開心和輕鬆，紛紛留言：「好開心見到你哋玩得咁開心」、「繼續玩得開心啲」、「澳洲嘅日出好靚」、「百厭仔」。
圖片來源︰姜濤@Instagram、邱士縉@Instagram
