梅艷芳（梅姐）不經不覺已離開大家近20年，今天（10日）是她60歲冥壽。梅姐的徒弟何韻詩、草蜢的蔡一智和蔡一傑都有在社交平台上載與梅姐的合照，懷緬思念之情！
何韻詩放了一張與梅姐頭貼頭的合照，寫上：「最近時常假想，如果妳一直喺度，到今日我生活會有咩唔同？會唔會係同一個人？喺妳面前係咪仲心底咁笠水但表面扮無嘢？會唔會都係繼續好似以前咁，每個weekend去妳屋企痴（黐）餐打邊爐，睇妳因為發咗誓唔食豬肉（因為寶貝小豬mug（嘜）），堅持水餃入面係牛肉唔係豬肉？然後我地（哋）個個和應話係啊係啊係牛肉啊？」
何韻詩又指梅姐離開20年間偶爾會不經意看到這些舊照，雖然覺得這些日子離自己好遠，但神奇地感覺對方仍然好近，「事隔二十年，有時唔覺意望到呢啲舊相，覺得呢啲日子離我好遠好遠；但好神奇，妳仍然好近好近。（就好似呢張相咁隨時喺後面gup（𥄫）住我咁）『繼續努力啦何小詩！』收到，祝妳第六十個生日快樂。」
另外，蔡一智貼出一張藍天白雲照，圖中寫上：「Anita Happy Birthday, Miss you」，蔡一傑就分享與梅姐的合照，寫上：「20年過去大家都沒有忘記你的生日，祝你生日快樂。」
相片來源︰蔡一智@Instagram，蔡一傑@Instagram，何韻詩@Instagram