無綫劇集《香港人在北京》昨晚（9日）首播，劇集一年前拍攝，但首集劇情正是講述陳展鵬飾演的徐港仁與吳若希（Jinny）飾演的律師鄺海倫投資加密貨幣出事，身家損失慘重，跟近日的JPEX涉串謀詐騙案相似。
首集彩蛋還有飾演該老千的正是陳展鵬太太單文柔（Phoebe），雖然Phoebe只是客串演出，也未有跟老公同框，但仍算是二人首個夫妻檔合作。展鵬受訪時笑言：「今次係想俾個驚喜大家，Phoebe選完港姐之後就俾我私有化咗，佢其實一直都好想拍劇，亦都係我嘅小fans，好希望可以同我合作。」展鵬坦言絕對支持太太多點幕前演出，「一直都好希望身邊嘅人做到令自己開心嘅嘢，唔好太多拘束，依家小朋友都開始讀書，佢可以放多啲時間俾自己，做多啲自己想做嘅嘢。」
除了Phoebe、上位小花何依婷亦在首集客串新聞之花報道新聞，雖然只是閃現兩個場口，但已成功吸引網民眼球，並笑指是為有份演出的《新聞女王》預熱！
昨晚另一爆笑口場，是被挑選為苦主聯盟代表的展鵬和Jinny接受《慌張西望》訪問，兩人因怕被認出、不但要求節目組為他們打格仔和做聲音處理，更自行變聲作「三重保險」，場面爆笑。Jinny受訪時亦笑言：「呢場戲我哋睇劇本時已經忍唔住笑！我哋拍嘅時候唔係諗點樣搞笑，而係諗用咩聲線去演呢場戲，有諗過要唔要扮某啲人把聲，最後我哋就揀咗用鴨仔聲。」
首度合作便默契十足的兩人，昨日還上演一場爆笑色誘戲，以性感睡衣上陣的Jinny搔首弄姿色誘展鵬，惟不解風情的展鵬以學習普通話及疲倦為由，拒絕Jinny之餘還為她披上外套說：「開咗冷氣呀，因住攝親呀，早啲休息啦！」
