2018年參加《全民造星》入行的涂毓麟（Oscar），雖然40強止步，但識作曲兼彈得一手好琴，加上靚仔外型，隨即獲環球唱片簽約旗下備受力捧，雖然出道時撞正疫情爆發，但Oscar把握機會隻身到內地拍攝的綜藝和劇集，現在劇集即將播出，Oscar乘勢推出新歌《戀愛候機室》，準備就緒的他，今年形勢大好！
涂毓麟（Oscar）是「學霸歌手」，中學就讀喇沙書院，當時已是香港演藝學院鋼琴系學生，師隨黃懿倫，中二那年考獲獎學金到英國哈羅公學，在英國考完高考回港入讀科大「神科」環球商業學系，並以一級榮耀畢業，學歷非常亮眼。
出道後，Oscar坦言最多人問他為什麼入行？以他的學歷，年薪百萬不是夢，Oscar說：「同學畢業以後大多都是做投資銀行，或者是咨詢公司，有些在畢業之後的第一年，已經搵到年薪100萬。」老老實實，新人歌手不用倒貼已經要開香檳慶祝，Oscar坦言現在仍是入不敷支，幸運的是他沒有經濟負擔，「這幾年的收入，我可以同你講一定唔足夠我生活，現在單單做歌手，真係好難去維生，特別係做音樂，唔同以前的年代，賣唱片都可以賺好多。」問Oscar家人可有反對入行？他說參加《全民造星》時，起初是抱住玩票的心態，更加沒有想過要全職去做，「其實直到我簽約唱片公司後，我都仲做緊Intern（實習），屋企人都好體諒，他們好支持我去追夢，唔可以否認，如果冇屋企支持，真係唔會做呢行，暫時都未可以靠我養家，爸爸都明白呢一行係要時間累積，所以都會俾時間我去闖。」
Oscar入行後，深受三位前輩影響，第一位是帶他入行的劉美君，Oscar說：「直到現在我們仍然保持聯絡，會同佢update近況和新作品，她會告訴我有什麼不足和進步的地方，由我拎住支咪，歌都未唱好，到現在上到台穩定些，似返個歌手，她每一個關卡都去幫我分析、幫我去解決。」第二位是軒公張敬軒，話說有一晚Oscar出了一個放負IG Story，「當時我struggle緊究竟應唔應該留喺呢行，兩年前剛剛畢業，我都唔記得寫咗啲乜，他私訊問我發生什麼事？我好記得佢教我點同公司好好地溝通，我好多謝佢，當時的確令到我行出困局。」去年在內地工作，Oscar遇到大前輩陳坤，「佢同我講，去拍戲啦，佢話無論日後做唔做演員都好，拍戲拍劇會帶俾我好多。」
Oscar續說：「我諗因為我係處女座啦，覺得我係歌手，點解要去拍劇？係陳坤『點醒』我，佢話唱歌和拍戲是相輔相成的，佢原來都唱過歌，仲有首歌叫《月半彎》(陳坤2004年推出的歌曲)，佢仲話唱歌和演戲都一樣，只不過歌手用聲線去表達、用聲線去打動人，現在我已經不抗拒演戲，無論客串或主演我都會試，試試下，又發現搵到enjoy的方法。」
在疫情期間，Oscar留在內地拍攝綜藝《加油！小店》，又參演一套古裝劇，今年將會放多些時間在香港，繼《我們再不講再見》後，Oscar一直想出首復合歌互相呼應，唱片公司馬上為他新歌《戀愛候機室》大造宣傳，今年可算是Oscar的收成期。
他說：「參加比賽時，都是在一個未準備好的狀態去打呢場仗，咁樣點都係會輸，當時整個人都唔focus，我記得疫情高峰期便決定到內地，隔離了很多次，但綜藝出來的反應很好。」隔離期間，Oscar習慣了開live唱歌，儲下一班聽眾，自彈自唱成為Oscar的標誌，「點樣先可以令到大家記得我？目前為止應該係鋼琴自彈自唱。」剛剛舉行的《2023香港小姐競選》，Oscar被安排鋼琴伴奏吳業坤唱出《今生今世》，更被內地網民點名稱讚「靚仔過AI」！