方力申出戰世界先進泳賽奪銀牌　自嘲輸在肥咗7公斤矮冠軍4吋

方力申（Alex）日前獨自啟程飛多哈出戰「世界先進游泳錦標賽」，昨日他在其主項200背泳40至44歲組別勇奪銀牌，賽後他在社交網發片曬照，留言：「阿媽我得咗喇，妳個肥仔，復出游水4年，終於攞到個世界先進分齡比賽嘅銀牌，係200米背泳，我最有機會嗰項已經游完，之後就爭取啲好啲嘅時間。恭喜第一名from HK LRC嘅Donal，佢以前係愛爾蘭嘅紀錄保持者，第三名係來自巴拉圭嘅Daniel C，佢上年喺福岡世界賽攞咗兩面獎牌。最後，我想講我真係要減肥，由上年舞台劇完成後到今日，我重咗7kg，完。」

Alex在限時動態再分享與對手和參賽者合照等，又曬拿着銀牌舉V照，自嘲：「肥魚攞銀牌，200米背，輸0.8秒，輸在肥咗7公斤，輸在矮佢4吋」。

Alex日前飛多哈正好在機上度過44歲生日，同時因時差關係，抵達多哈後再過一次生日，當時他曾預告最有信心是200背泳，自稱狀態比去年到福岡出賽時好，只是新年及生日所致肥了不少。
從小習泳的Alex，曾代表香港參加2000年雪梨奧運，其中在200米背泳及400米個人混合泳打破香港記錄；隨後在2001年香港短池游泳錦標賽1,500米自由式項目，再次取得破香港紀錄的成績。