「寰亞之夜」昨晚（12日）在中環舉行，星光熠熠，老闆林建岳與TVB總經理曾志偉、劉偉強、王晶、雲浩影（Cloud）、林曉峰、梁釗峰、林峯、黃浩然、鄧麗欣（Stephy）等逾百名藝人出席。
釗峰直言是一個很難得的晚上，與同事、朋友及很多導演聚首一堂，得以互相認識傾談交流。前日（10日）生日的女團Me&成員連家穎（Vian），即場獲釗峰、樂隊Nowhere Boys的主音Van和鍵琴手漁佬、蔡穎恩（Evelyn）唱出中英夾雜的生日歌為她慶生，場面搞笑，日前排舞不慎閃腰的Vian則認真許願：「希望順順利利，身體健康！」
同場還有即將開騷的林曉峰（阿Lo），他與「獎門人」曾志偉碰頭即笑料不斷，志偉爆料阿Lo即將推出新歌《曾經被遺忘的人》而且是阿Lo填詞，志偉笑言：「個填詞人好出名，由一個唔識字嘅人填詞。」阿Lo和應：「但佢又填出咗人嘅心聲，跟獎門人學嘢係有用。獎門人教我不學無術，學多啲嘢，學完就有技術。」又說：「係一首同自己和解嘅歌。」
將於4月13日在廣州舉行首個個人巡迴演唱會的阿Lo表示，會將過往的經驗套用於演唱會上。他說：「當做主持、會有音樂，同人交流嘅互動。唔覺得係一個好正式嘅演唱會，似係朋友大家見面咁。」由於以前曾騷肌，他說今次騷唱歌，並希望藉着演唱會讓大家更了解他，「大家都話我冇自己單曲、冇出過專輯，又唔知點解做咗歌手，呢啲說話對我好大鼓勵。今次做咗兩首自己嘅歌，好期待俾唔認識我嘅人逐步了解我。」曾志偉恭喜阿Lo之餘，亦表示會捧場。
朱鑑然、梁仲恆和譚旻萱（Mandy）昨晚被發現傾得很開心，他們三位身高出眾被笑指可組「三高天團」，朱鑑然指自己轉數高，梁仲恆自稱智慧高，Mandy搞笑亂講「腳毛高」。三位高人有見現場有眾多電影投資者和導演，即興向鏡頭推薦自己，爭取拍戲機會，還搞笑互窒，非常有趣。
