陳展鵬、黃智賢、蔣祖曼、張頴康、劉佩玥、馮盈盈今日（29日）出席劇集《逆天奇案 2》宣傳活動，「金牌監製」劉家豪昨日宣布七月榮休，今日他在太太梅小青陪同下，感受到一眾演員的擁戴，家豪哥說：「未講先興奮，入行多年來自己目標已達到，最終目的都係帶俾歡眾歡樂，都已經做到晒，依家可以帶返俾屋企人歡樂，其實呢個退休計劃籌備了一年，而太太三年前已退休，但當時未通關，大家都未去得旅行住，但上年一通關即開始計劃退休，但點解今年7月先退落嚟？因為剛好入行五十周年，半個世紀。而且退休最主要係趁孖孫入小學前，可以多啲時間湊孫，同埋可以分段式環遊世界，因為我唔想離開孖孫太耐。」
馮盈盈在今輯同上一輯同樣重戲分，但會一改上一輯「國民妖精」形象，角色變得正面，將會嫁給高鈞賢，變成「國民人妻」，「新一輯角色會有所成長，講說話斯文啲，有多啲經歷，帶出多啲新鮮感，今次都搵咗最好男朋友高鈞賢幫手谷收視，劇中我同佢會去滑浪，但我着潛水衣，哈哈！唯有交俾高鈞賢去騷肌谷收視。」
更多現場圖輯：
