洪助昇（Aiden）今日（3日）推出今年首支派台新歌《你不是我的岸》。「憑實力單身」的Aiden，今次憑歌寄意，將自己的「沉船」經歷大方分享。
今次是Aiden跟監製徐浩（Terry）第五次合作，相隔一年再次走進錄音室，Aiden擺脫新人時期的膽怯，大膽表達想法，「我好明確同Terry講，我最近對於感情嘅睇法有啲改變，不如我哋做一首咁樣嘅歌啦，想今次歌詞表達得再仔細啲。最後歌詞改咗三個version，用咗幾個月時間去調整。」
提到「沉船」經歷，Aiden表示以前十分理性，覺得要以事業為重，於是經常為事業而拒絕戀愛，後來覺得這樣未能唱出歌曲情感，所以覺得要讓自己感性一點，不過踏出第一步後，迅即「沉船」，「當時憑感覺認識咗一個女仔，認識咗一段比較短時間，自己就發現『沉船』。雖然當時身邊朋友都話『你咁樣無啦啦沉船，其實會唔會好危險？因為你都未知道對方係一個乜嘢人』，但我都會為對訪護航。了解咗三個月左右，想表白，先發現對方其實唔想拍拖，佢淨係想得到曖昧，開心就算。最後我明啦，佢絕對唔係我想搵嘅嗰個岸，我亦都用咗三個月先復原。」他坦言歌詞直接寫出當時狀況，「『我已經看穿 情願沉默地為你住進孤單公園』，即係我知道你唔係我心入面想拍拖或者行得長遠嘅對象，所以我就寧願自己摺埋傷心。」
MV找來有「新一代性感女神」之稱的李賢（Leanne）及YouTube女神陳映影（Santis）擔任女主角，Aiden笑言十分有艷福，又謂兩位女神電力十足，有被電到，更大爆Santis「有料到」，「之前有同Santis合作過，拍一啲drama嘅嘢，知道佢之後開始玩健身。拍MV嗰日，我哋拍一啲擁抱戲嘅時候，我俾佢一撞，啲肌肉真係唔係講笑，佢真係有啲料，哈哈！」至於MV中，他跟Leanne有一幕差點錫錫的鏡頭，Aiden謂一開始有點怕醜，而Leanne則十分專業，最後兩take便順利完成。Aiden表示，由於二人嘴部太貼的關係，拍攝前一晚做足準備功夫，「為咗防止口腔有異味，我前一晚開始，直到拍攝呢一幕前，刷咗十次牙。」
