昨晚（23日）播出的劇集《神耆小子》吳子冲半裸上陣，爆肌身材相當吸睛。劇情講述因為打風，飾演小鮮肉Jack的吳子冲去到玫瑰（樊亦敏飾）屋企陪她，被雨淋濕身的Jack脫掉上衣，用毛巾抹身，突然大海（鄭則士飾）返家，嚇到Jack躲到窗外，最終要沿着水渠爬落樓，落荒而逃。
子冲昨晚亦在社交平台上載半裸劇照，意有所指地寫道：「唔好問我點解咁粉紅？最少布嘅一次。」子冲透露這場戲合共拍足四日，當時正值夏天，拍外景淋雨沒有問題，但到廠景便覺得好凍，「一邊淋水再加冷氣，雖然同事準備咗大量毛巾保暖，但我唔想拍每個shot都要抹身，又要淋番濕個身咁多步驟，麻煩到同事，所以情願Cut機後，原地跳做運動保暖。」他最難忘是幕後同事的「特別」照顧，「拍外景嘅時候，幕後同事玩水玩得好開心，為咗想我演繹出難堪嘅感覺，所以佢哋keep住射我塊面，佢哋見我愈難堪，佢哋就愈開心，因為中咗！」
更多爆肌圖輯及劇照：
子冲表示這一幕只是基本攀爬動作，不算太難，最大難度是要保持爆肌身材，「因為除咗要除衫，個角色喺設定上都係一個高大有肌肉嘅陽光男孩，但因為冇乜時間做準備，所以我咩招都攞晒出嚟，揀咗『168斷食』再加高蛋白質Diet，再日日做Gym ！」他大讚演對手戲的樊亦敏是一位溫文爾雅、好識得照顧人的好前輩，「好似多咗個家姐咁，佢好照顧我，除咗成日請食消夜之外，仲會成日同我研究劇本。」
更多吳子冲圖輯：
