現年31歲憑TVB處境劇「熊心如」一角彈起的2016年港姐殿軍蘇韻姿，今年4月約滿決心告別服務8年的娘家TVB。最近她接受梁泰來主持的商台《星光背後》訪問，坦言當演員一直是其夢想，縱使8年以來孤身一人來港追夢遇過不少辛酸，要一直兼職才能維生。對於兩年前突然被飛出處境劇被雪藏多月，她坦言：「好突然！」不過她獲「解凍」後便決意離巢。
蘇韻姿於多倫多成長，當年母親離婚後，曾一人打四份工養大她與弟弟。對於她孤身留港簽約TVB的月薪，她坦白地說：「唔可以話好，係唔夠兩萬，但對大學剛畢業唔差，嗰陣後生唔怕捱唔怕窮，只係諗有機會。仲要響香港租樓，係唔夠生活，所以我一直做其他工作，幫人補習、教小朋友唱英文歌。我目標一直係想俾到錢媽咪，但暫時仲未達到！」
蘇韻姿與家人：
憑「熊心如」彈起入屋後，兩年前突然被飛出劇組，蘇韻姿坦言：「係睇到劇本知道，好突然，以往都有角色出入，以為公司有安排，點知幾個月無工開。」有指蘇韻姿被雪藏與得罪珍姐及經常遲到有關，她撫心自問說：「坦白講，拍劇6年，無可能一次都無遲到，但我絕對唔會老奉，之後傳到我用粗口鬧珍姐，我好愕然，首先我中文差，講粗口只會講錯令到人笑，其次我好尊敬前輩同高層，絕對唔會做呢啲行為。」
蘇韻姿與「愛回家」劇組相處多年如同家人：
自認性格男仔頭的蘇韻姿，坦承加拿大成長拍過兩次拖，來港追夢從來專注工作，對於處境劇爆出與「池子孝」阮政峰的CP緋聞，她說：「我同阮政峰一直係好兄弟，呢啲係捱義氣。最初好唔想珍姐、監製或者導演誤會我嚟溝仔，我唔係咁，我係嚟做嘢！我飛咁遠嚟香港，你俾咗咁大機會我，我只想專注工作！一放工就即返屋企食飯做功課，每晚拼音背嘢就瞓，第二日就返工，我無life，無咁嘅心機，更squeeze唔到時間了解異性。」
蘇韻姿表示很欣賞有才華有目標的男性，對於去年9月底與26歲的舞台劇導演陳恩碩（Tom）結伴欣賞黃秋生舞台劇《極地謎情》，她大讚對方有才華，「我好欣賞佢！係有個共同朋友知我鍾意音樂劇，介紹我去睇阿Tom《我們的青春日誌》就識咗。我好鍾意佢個騷，再傾合作參演。我哋係好啱傾，好鍾意一齊睇騷同研究。」雖然她很欣賞有才華的男生，但表示與陳恩碩沒有機會發展，「其實我想搵個大過我嘅男仔，另外，我哋夾得滯，我諗過㗎，如果同一個同樣熱愛一件事的人一齊，話題太單一。」
不過，促使了蘇韻姿解凍後決心於今年4月約滿離巢，亦與Tom有關。事緣去年10月，Tom邀請她演出了13場《我們的青春日誌》，她說：「香港好難有長壽音樂劇，佢呢部劇好激勵我，令我諗起音樂劇本來係我夢想，做完13場我係想再做。」除了將再演Tom的音樂劇，蘇韻姿表示亦會長駐謝東閔的音樂學校任教，並為HOYTV擔任主持，故暫時一邊追夢，仍不擔心收入。
蘇韻姿獲陳恩碩邀請參與《我們的青春日誌》演出：
