現年34歲的蔣家旻（Angel）與電視台高層周永基前天（26日）於日本輕井澤舉行婚禮，正式升呢做人妻，其幾位「2Line黨」姊妹湯洛雯、朱千雪、岑杏賢和張嘉兒均飛到當地見證好友人生大事。
Angel在社交網分享多張與姊妹們的合照，並寫道：「感謝她們山長水遠來見證我的重要時刻，無限的感動 有人哭到眼腫，Yeah, I’m the last one in this group to become a wife。」她又留言：「弱弱地問可否別再叫「2Line黨」？請賜一個優雅的名字。文字、言語真的有能量，當初我們非常隨意地改群組名，有『幸福』兩個字，然後幸福地出嫁了，信不信由你。」
湯洛雯亦上載相片，並表示：「好美麗又溫馨的婚禮，雖然你現在是妻子了，但你還是我們最親愛的妹妹。two become one 」而朱千雪則寫道：「8年前 張嘉兒是我們第一個結婚的⋯.隨後我們一起見證著我，岑杏賢、湯洛雯的婚禮 如今你都當人妻了，感覺我們真的長大了。」岑杏賢也最後一個姊妹也成為了太太。
Angel昨天接受無綫節目《東張西望》訪問時，自爆9月中已在澳洲註冊結婚，她指早前要籌備婚禮，又要拍攝《巨塔之后》，感到十分疲倦兼忙碌，「個婚禮我籌備咗一年，不嬲私人事都會比較低調啲，呢個婚禮都係一路開工籌備處理好多嘢，溝通都係一手一腳踢，日子搵咗師傅擇日亦都啱啱好，呢邊日本都有一個檔期畀海外新人預約，雖然個婚禮小型都係得40位，請咗屋企人同埋圈內嘅朋友，同埋我有好多好close嘅圈中朋友。」 她又稱行禮過程非常感動，加上進場有很和諧莊嚴的音樂，令她感動得很想哭。
她更解釋選址日本舉行婚禮的原因：「因為我好多年前已經鍾意呢個教堂，一嚟係好有型，二來佢係一個有機建築，教堂係用有機嘅石頭去建造，採光度都好高，結合咗光同埋石嘅結合，喺教堂裏面就會有一種好神聖俾天眷顧祝福嘅感覺，好感動喺屋企人同埋朋友見證吓就完成咗呢個婚禮！」
