修哥一開始就不忘為嘉玲稍後演出的舞台劇《香港式離婚》宣傳。當修哥稱偉仔做影帝偉哥，嘉玲說：「我哋喺你面前唔可以叫阿哥阿姐，你係我哋阿哥啊，阿哥大哥，你真係我哋嘅前輩，阿爺啦！」修哥即讚嘉玲：「做慣舞台劇嘅人，講嘢真係流利好多！」嘉玲十分感謝修哥為她宣傳，但笑指門票已售罄。
全程站在一旁笑咪咪聽着修哥跟嘉玲對話的偉仔，自稱「唔識講嘢」，於是由修哥發問：「你聽（今）日由曼谷去邊度？」偉仔笑答：「由曼谷去曼谷囉！」嘉玲解釋今日仍在曼谷，修哥即踢爆他們將往不丹，並跟偉仔和嘉玲握手祝他們一路順風。
