《Twins Spirit 世界巡迴演唱會》廣州站，兩場演出於前晚（28日）展開，廣州是Twins內巡第10站，自今年年初香港演唱會揭幕之後，Twins已經唱了25場，緊接着還有汕頭及佛山，內巡完畢後，11月開始會飛去美加、英國、新加坡等地開唱。在這一站Twins搞搞新意思，來一個「Twins點歌fans唱」環節，阿sa說：「嗱，就咁嘅，晚晚都係你哋點歌，不如今晚我同阿嬌點歌，你哋全場唱俾我哋聽？」歌迷立即大叫: 「冇問題！」最後萬人大合唱《死性不改》，令Twins感動不而，阿sa：「我哋雞皮又出嚟啦！」Twins換了新衫，粉紅、粉綠公主出場，阿嬌笑說：「我睇網上留言，有人話我似西蘭花，哈哈！」阿Sa就話：「我覺得我哋係西瓜囉，我係西瓜肉，你係出面塊皮，哈哈哈！」
昨晚第二場，Encore環節，於休息飲水時，阿Sa突然對阿嬌說：「我好似有啲作病，出晒虛汗咁，頭有啲痛、喉嚨又有啲痛，全身都痛喎……我要唔要戴口罩呀？你驚唔驚？」阿嬌回應：「我唔驚呀，我諗你可能係咪太熱，焗親呀？」唱完串燒經典金曲後，阿Sa坦言：「簡直係用緊生命嚟唱歌！」之後坐在舞台上，「等等先，阿姐我要坐下……頭暈」，休息一會後，阿Sa再用盡全部氣力，唱出《零4好玩》及《人人彈起》兩首快歌。
演唱會完結後，阿Sa即時回港，回家後量體溫，於IG Story中貼出 「37.5」探熱針；今早阿Sa表示：「其實問過醫生，話37.5溫度係好輕微，今早休息過後，已經好返好多，冇再燒啦！噚晚就真係唱到最後，係台上面係用生命嚟唱歌，用意志力叫自己頂住。但係觀眾，歌迷太好啦，反應太勁，好似不停幫我打緊強心針咁，最尾兩隻快歌，《04好玩》、《人人彈起》個陣，我直頭投入到都唔記得咗自己頭痛頭暈啦。」
更多現場圖輯：
圖片及影片由大會提供
