樂壇女子組合COLLAR成員Sumling李芯駖，繼早前推出《SPYLING》後，昨日（8日）再推出本年度第二首個人單曲《讓思憶症發作》MV，今次以回憶為題，道出一段看不見的關係；歌曲製作團隊，由謝芊彤作曲、林若寧填詞、Jason Choi 蔡德才監製及編曲、麥曦茵執導MV，芯駖說：「今次題材喺入行冇耐已經諗到，事緣有次㩒手機，見到往年嘅今日，睇番以前同朋友嘅一段回憶，但因為某啲事情，已不能再成為朋友，但其實我哋曾經一齊旅行，我有危難時，佢亦幫忙我好多。人生總有啲關係好似看不見，但永遠都有聯繫，所以今次首歌係講一啲睇唔到嘅關係，而呢啲關係係影響深遠。」芯駖續說，今次歌曲無論在錄音或MV拍攝時，感覺都非常揪心：「因為諗番好多回憶，仲諗番好多好多挽回唔到嘅關係，有一種遺憾同可惜喺入面。」
芯駖更找來入行前的跳舞夥伴Stanley邱士縉客串大跳雙人舞展現默契，Stanley表現落力，又瞓地又要「舉」起芯駖，事前二人更排練一整天，芯駖表示：「多謝佢抽空，佢出盡全力，喺今次舞蹈，佢有舉起我嘅動作，就算舉起我好多次，佢都義不容辭，好多謝佢。我同Stanley好耐之前合作過，默契上大家都知點，佢係一個好認真嘅人，對所有嘢都要求做到最好，亦會出盡全力，同佢合作有非常安心感覺。」Stanley就指芯駖欠她一個人情，笑言將來有幸出歌，題材又適合的話，一定搵對方「償還」，他還說：「我估芯駖搵我係因為之前我哋有合作過，入行前一齊走tour，所以比較熟悉對方，不過MV上嘅合作，今次係第一次。」
