馮允謙（Jay）在紅館舉行三場演唱會，昨晚（9日）頭場，鄭伊健、ANSONBEAN與女友張天穎、吳浩康、Jay的父母、孖生弟弟Tim及Jay的未婚妻Crystal來捧場。相隔年半再度踏足紅館，坦言開騷前曾經擔心及擔憂，擔心門票銷售情況，又怕未有足夠的新歌，「所以去年演唱會後至今，創作咗10首新歌，全靠大家先至能夠咁努力創作新歌。」Jay獻唱《Preciously Mine》，當唱到其中一句歌詞「love you」時，指向未婚妻Crystal，用英語說：「我係同你講！」公開表達愛意。
Jay由第三首歌便開始要跳舞，多謝排舞老師耐心教導，亦多謝舞蹈員，因為平時演唱會只需要跳11、12首歌，但這次要跳16、17首歌。COLLAR成員Marf擔任嘉賓合唱《All That I Want》，Jay表示錄好這首歌之後，未知何時能夠現場演繹，「估唔到第一次唱呢首歌，就喺我第二次嘅紅館騷度唱。」後來Jay在台上除去外套，穿着黑色背心，露出經操練後的結實手臂，歌迷即興奮尖叫。
Jay除了鳴謝團隊，又感性表示：「因為有好多騷，你哋未必一定要睇我，多謝你哋選擇支持我，呢個世界變得好快，時間又過得好快，但我會記住呢個Moment，我唔知幾時再有機會開演唱會，希望好快再見到你哋。」之後獻唱《會再見的》時眼濕濕。去到尾聲，Jay指今次演唱會主題是人生之歌，所以選唱自己的作品和喜愛的歌，他希望自己的歌曲也可成為別人的人生之歌，他說：「希望我嘅歌可以陪伴大家，成為你哋嘅力量，開開心心離場，而你哋亦畀咗個好有紀念價值嘅回憶我。」
更多現場圖輯：
