叱咤903昨日（18日）《903 AllStar 籃球賽》舉行第三場熱身賽《903 AllStar 排球賽》，賽事一共三個回合，「歌星勇士隊」由隊長鄧麗欣（Stephy）率領隊員Gin Lee、Elka@Lolly Talk、阿妹@Lolly Talk、 Anson Lo@MIRROR、Ian@MIRROR、Jeremy@MIRROR、Ada@VIVA、ValC@VIVA、 葉巧琳，「九零三人隊」則由隊長朱薰率領森美、Donald、Jacky、Jeff、如、梁子、梁文禮、志淙及金，聯同六位中學校隊成員迎戰。「歌星勇士隊」以26比24先取一局，「九零三人隊」第二局以25比22 追平，並在最後一局取得25比19，以局數2比1戰勝「歌星勇士隊」，勇奪《903 AllStar 排球賽》金牌。
從中一開始打排球、入選香港青年代表隊的鄧麗欣，事隔多年再打排球感到興奮：「今日好多學生睇住，所以好緊張，我就唔滿意自己表現。我同Ian、Anson Lo同Jeremy 之前一齊拍《男排女將》，今日再一齊打波，好開心，拍劇嘅感覺番晒嚟，我一落場就叫Bobby做Setter，因為排球講求Teamwork，無夾過都可以咁有默契，我畀佢哋3個滿分。」
獲Stephy大讚表現滿分的Anson Lo指：「我覺得我Set嘅波畀我想像中好，我本身好鍾意打排球，今日可以見番力圖一半嘅隊員，好似Re- union咁，好開心。」
Jeremy 比賽期間發生一件小插曲：「今日有個蝦碌波，嗰波夾咗落塊面度，我就攬住咗個波唔識反應，成件事好攪笑，被 Stephy話真係好似劇中Chris 3嘅性格。」
前排球港隊的Ian稱十分享受今日的比賽：「今日打得好開心，學校嘅現場氣氛好好，各自表現都OK。雖然今日輸咗，但我哋嚟緊一定會喺903 AllStar 籃球賽贏返DJ隊。」
Gin Lee 稱自己25年沒有打排球，特別為今次比賽相約師妹VIVA一齊練波，卻拉傷了小腿：「小腿嘅位一發力就痛，痛到懷疑人生，醫生話至少兩個禮拜先好番，可以做嘅治療都做晒，今日就靠晒師妹Ada同ValC。」
葉巧琳（Misha）指：「喺中學打過排球，今日有一球判斷錯誤，以為Ian會打，所以打失咗。不過我都打得好開心，因為開波都贏咗好幾分。」
Elka及阿妹在中學時期都有打排球，Elka表示：「我同阿妹特別搵咗教練練波，Ian同Stephy又帶得好好。不過我有時唔敢殺波，但都係盡咗力，都滿意自己表現。」
