由叱咤903 DJ薛晉寧（阿檸）編、導、演作品，舞台劇《無法承擔的我們》昨晚（18日）假沙田大會堂文娛廳正式公演，一連十二場，以出租膊頭的生意，為生活充滿壓力的市民提供身心靈的支援！阿檸今次更特邀曾獲《香港電影導演會年度大獎》最佳男主角的周國賢（Endy），及上年憑《那年盛夏我們綻放
如花》「賴智勇」一角廣受大眾認識的戴玉麒（Yukki）參與演出。
近年不論電影、電視或舞台劇都經常見到周國賢的演出，但大多都是沉重的角色，今次雖然都是一位生意失敗的中年大叔，但是角色性格積極，所有問題都樂於承擔，並認為都有可以解決的方法，戇直的性格與其他角色碰撞出各種反差，展示出周國賢平日收起的喜感！Endy表示：「第一日排戲嘅時候大家睇我好似唔出聲，見得多就發現，其實我傻傻哋，好啱做喜劇！」
從宣傳之中得知戴玉麒會飾演偶像，現場才驚喜發現，他亦會分飾一名蠱惑大叔與周國賢對戲！「兩個完全唔一樣嘅角色！轉場之間要極速改變造型，呢個都係舞台劇先會經歷到嘅新挑戰。」出道後首次演出舞台劇的Yukki，展現出他作為演員的各種可能性，不論是迷人的偶像ByeJacket，或是年邁50的蠱惑大叔，亦都能夠輕鬆駕馭，令人眼前一亮。
擔任編劇、導演、演員三個角色，阿檸認為最難是作為演員的部份：「導演方面知道劇情上需要啲乜嘢畫面，會清晰好多，但係站上台板，要考慮嘅嘢會更加多，畢竟邊做邊考慮自己想像嘅觀眾畫面，會有更多盲點，容易變得主觀，得好好平衡及依賴同事意見，呢個都係重要嘅學習過程之一。」作為整個創作的靈魂人物，阿檸希望透過這次演出讓觀眾感受到有人陪伴的感覺。「無法系列一直最重視嘅都係陪伴，陪伴大家經歷每一個歲數階段經歷嘅問題，我哋未能夠提供任何答案俾大家，但希望提供陪伴大家一齊面對問題嘅勇氣及溫度，種種問題，所有問題，你都不是獨自面對的。」
