《中年好聲音》人氣王譚輝智的商演及廣告工作不斷，日前更為旅行社擔任旅遊大使，繼上月在中山舉行音樂會，這個星期在開往沖繩的郵輪上開騷，接着於12月及明年2月分別到惠州及佛山演出。輝智在郵輪演出期間，與粉絲一起用膳，又大派簽名甫士卡，𧨾得大家好開心。完成沖繩海上音樂會後，輝智轉飛東京享受假期，在社交平台上載短片及寫道：「完成工作嘅我就已經飛咗去東京啦！呢個天氣就當然要浸溫泉，享受下深秋日本的魅力啦！」從短片所見，輝智入房擺低隨身行李後，鏡頭一轉，他已經處身私人溫泉之中，狀甚享受，不斷口噏噏又報以微笑，但因為配上背景音樂，所以聽不到說話內容，網友即化身讀唇專家作出猜度。輝智的浸浴鏡頭其實只拍攝到肩膊位置，但後來鏡頭愈推愈高，幾乎只見到頭部，粉絲大派心心眼及喜見偶像「大解放」之餘，亦有作出「投訴」，「個鏡頭可唔可以低少少呢？」
更多圖輯：
