電影《破·地獄》票房再創新高，公映10日，港澳累積票房衝破六千萬，英皇集團主席楊受成與太太、導演陳茂賢、許冠文、衛詩雅、艾妮、劉若寶昨日（18日）出席在0 e:ffect Concept Store舉行的海報劇照展揭幕儀式。當中包括大型紙紮汽車道具，經後期修復後，首度公開展出。
楊受成透露一度被朋友質疑，「好多朋友同我講，你係咪花好多錢去拍棺材舖嘅戲？搵到兩個笑匠，拍咁嚴肅嘅電影係咪嫌錢多？唔開笑片係咪神經㗎？俾人話時我心慌慌，但係已經答應咗。」
許冠文表示深明香港電影現正處於困難時間，希望這齣戲能帶動隨後的香港電影再創更高票房紀錄，Michael坦言從影多年，未曾有如此強烈感覺：「大家而家明白點解我話呢部係喜劇，第一次喺街有人同我講，唔係淨係套戲好好笑、好好睇，係多謝我！有人話『我哋一世都跟住你笑，呢次我哋跟住你喊！』」Michael更指香港人係真係掂，「呢部戲可以令人釋懷，真正為香港破地獄，重新再嚟過，香港人係真係掂㗎。」
衛詩雅逐一答謝各個參與單位，「多謝老闆、多謝導演、多謝爸爸（許冠文），特別多謝幕後每一位同事，包括宣傳團隊，每一位都付出好多。希望我哋票房繼續大賣。」艾妮與劉若寶對於能夠參演《破·地獄》感到榮幸，能夠從一眾好戲之人身上獲益良多。
更多現場圖輯：
