一連5場《梁詠琪 #時間遇上我們專屬的特別 》Side Track音樂會，昨晚（27日）正式開鑼。
穿上白色通花裙現身的Gigi，獻唱《成長的短髮 》、《新居 》、《茶杯 》開場，她說：「自從去年tour開始走訪各地，帶咗我去好多唔同嘅地方，發現自己好多收藏咗好耐嘅sidecut作品同故事，係時候攤出嚟同大家分享。」
除了歌曲的回憶，Gigi每晚都會在台上分享不同的昔日珍藏，在首場她拿出19歲初入行時為日本雜誌《少年JUMP》，飛到日本拍攝的封面；另外，Gigi還在現場播放了一段在她20歲與影迷第一次慶祝生日時，送給他們的一段錄音說話。聽著卡式錄音帶裡自己稚嫩的聲音，Gigi搞笑地打了一個冷震說：「嘩！呢個女仔邊個嚟㗎？咁cute嘅？」引得全場觀眾哄堂大笑。
延續「時間」的概念，音樂會前半段的歌單以「回憶」作為主軸，更將戲劇元素加入舞台，由新演員Henry陳獻略 演獨腳戲兼彈結他為Gigi伴奏。
Henry說：「一直好欣賞Gigi喺演藝事業上努力同不斷求變，多謝佢今次邀請我同台演出，第一次當然緊張又興奮，希望Gigi同觀眾喜歡我嘅表演啦！」
其實今次Henry還有一個秘密任務，就是在Gigi唱《茶杯》時，他負責將寫了不同歌詞的紙飛機飛到觀眾席，而每晚Gigi都會隨機讀出一段心水歌詞，手上幸運地得到相同歌詞的紙飛機，便會獲送贈由她親自製作的陶瓷茶杯，每晚只送出一隻，非常珍貴。
Gigi今次特別苦練Rock版《花瓶雞湯 》，全場氣氛高漲；獻唱《因果 》時Gigi一度哽咽，Gigi説當年錄這首歌時在錄音室哭了兩小時，想不到多年後仍被歌詞感動流淚，「嗰陣時就話啫⋯唉⋯而家都仲係一個傻婆，哈哈。唔好意思，等我平伏一下先，有啲事情的確需要時間去平伏」。沈靜中突然有歌迷大叫氹Gigi：「你好靚女呀！」Gigi也幽默回應：「有啲幫助。」非常搞笑。
「《灰姑娘》、《他喜歡的是你》、《嫌棄》呢三首歌，我嘅歌迷會統稱佢哋做苦情三步曲，今次開side track，我一口氣唱《好不好》、《因果》、《等人》，為香港嘅歌迷編排專屬嘅side track愛情三步曲。呢段時間唱番自己以前嘅歌，真係有好多回憶，希望我揀嘅歌，都可以為大家帶嚟你哋專屬嘅回憶。」Gigi說。
有丈夫和女兒在台下打氣，Gigi順利完成首場演出，坦言在籌備音樂會期間，為賀歲片《臨時決鬥》拍攝同時，回家仍落力為演唱會編制獨有歌單和練歌，每場還附設專屬歌曲，令每晚的音樂會都更加專屬，給觀眾截然不同的感覺。
每場Gigi會唱出一首專屬歌曲，首場她選唱收錄97年《新居》專輯內的《哭了 》。
頭場歌單
1） 成長的短髮
2） 新居
3） 茶杯
4） 空中小姐
5） 北京之夏
6） 春逝
7） 荷花
8） 夏花秋葉
9） 平安夜
10）北極光
11）好不好
12）因果
13）等人
14）花瓶雞湯
15）傷心尋回犬
16）遠在天邊
17）氣流
18）迴旋木馬的終端
19）哭了（首場專屬歌曲）
20）家有小熊
