林盛斌（Bob）在昨晚（2日）播出的綜藝節目《與天地對話》，繼續踏足澳洲北領地。Bob罕有地提及當年太太不幸流產的遺憾，及父親破產對自己造成的影響外，今晚一集，則會暢談人生「最大一次公關災難」。
Bob說：「大到令我覺得可能要玩完，就係12、3年前第一次上雜誌封面，我記得封面出街前，嗰晚有個朋友打俾我，話影到我買鹹碟…當時我一睇個封面，條題類似係好男人人設崩壞，買四仔。嗰時我心諗死火，我第二朝打電話俾澳門啲老闆，話我喺香港出咗事，問佢可唔可以收留我？嗰時我直頭覺得係世界末日，嗰陣其實我屋企都已經有兩個小朋友，咁我唔可以冇收入、唔可以唔搵食。」之後決心面對自己錯失的Bob，逐一致電當時合作的客戶道歉之餘，還向對方表示可以隨時換人，豈料換來的竟是意想不到的答案，有客戶更表示，預備了一隻儲有三千多套鹹片的usb，叮囑Bob「以後唔好再買嗰啲碟」。Bob邊說邊感嘆：「真係做錯咗，咪改過咯！」
Bob還坦言加入電視台頭兩、三年，因為剛巧遇上管理層變動，有一段長時間沒有工作，除了當時一直主持的J2節目《兄弟幫》之外，連上節目當嘉賓的機會也完全沒有。直到一次在TVB節目巡禮中，被安排了一段兩分鐘的節目介紹急口令，才令他的事業得以扭轉：「我收到嗰篇稿係嘩一聲，幾版紙滿晒之餘，啲對白好甩咳、好難講，係好硬嘅料嚟，但我就諗：『唔得，一定要諗吓點樣可別開生面咁樣講出嚟！』」結果Bob成功令全場藝人企起身拍晒手掌，他憶述時感嘆：「唔係因為見到有曙光你先堅持行落去，而係因為你堅持行落去，你先見到個曙光。」
