葉蒨文著到靚靚入馬場。
無綫小花葉蒨文因跟歌手葉蒨文莎莉同名，加上演出處境劇《愛．回家之開心速遞》成功入屋，昨日在社交網分享到馬會看韓流天王Rain（鄭智薰）演出後，去食自助餐期間被侍應托住的一盤藍色飲品不小心由頭淋落腰，令她頓變藍色人。葉蒨文留言：「跟住馬會馬上安排我除套衫落嚟幫我洗乾淨套衫，於是我就著住佢哋嘅員工制服2小時。我周圍見到朋友都話我今日係馬會一日嘅員工，我已經加入咗馬會呢個大家庭。佢哋員工同我傾偈，我仲話：我第一日返工我唔傾偈啦，冇咩吩咐我出返去做嘢先！
慘被淋濕身獲安排暫穿馬會員工制服。
「最神奇嘅事係，啲朋友話水為財，一開始兜頭淋要即刻買吓馬，於是我望一望個電視機見到隻7號行出嚟，我乜都冇理我第二場就買咗7號，點知真係跑第一！雖然只係，買少少玩吓，唔係贏好多，但係我覺得行咗個好運心情特別好！落沙圈前我已經成功換返套衫啦，不禁要讚吓馬會洗衣乾衣嘅速度！」
