盧慧敏（Amy）昨日與鄭丹瑞（旦哥）等宣傳電影《得寵先生》，跟香港演藝學院電影電視系學生分享拍攝點滴以及電影細節。期間提到港姐謝嘉怡的兩隻愛犬慘遭毒殺時，Amy眼泛淚光表示：「你可以不愛，但你唔可以傷害。」
Amy於分享會後接受訪問，痛心表示近日收到很多私訊，有關謝嘉怡愛犬慘遭毒殺一事。她說：「每一日喺不同角落都發生緊呢啲咁殘酷嘅事，我哋未必睇到。動物義工、寵物主人其實都面對緊好痛、好殘酷嘅現實，呢個世界上亦有好多鄧悅娜（戲中動物義工）不停為狗狗去付出。」Amy引用電影對白再三呼籲大眾善待動物，她說：「『你唔做主人都得，但要做返個人』，你可以唔愛，但你唔可以傷害，因為我哋冇權咁做。」
