炎明熹音樂特輯《戀上西沙》，將於今晚（21日）播映，主要演員有炎明熹（Gigi）、李爾晨、海俊傑、張美妮、林子超（新名林至昭）及麥玲玲，另黎諾懿、「東張女神」何沛珈則以客串性質演出。
主推靚景靚歌靚人的《戀上西沙》，除了Gigi及Gi式靚歌，還有大量其他精彩元素。劇中與Gigi有不少對手戲的李爾晨（Kyle）及林子超，Kyle在圈中是馳名大隻仔，在特輯不時大晒超強胸肌及朱古力腹肌，無論線條或是弧度均相當吸睛，其中羅馬戰士裝束，更是相當搶焦。
為了操出這身靚肌，Kyle之前花了極多功夫日操夜操，再配合節食及「甩水」，才有如此完美效果，Kyle說：「我永遠都擔心自己啲肌肉狀態係唔夠，所以知道要除衫後事前有加緊操練，同埋戒咗夜晚嗰餐。為咗個線條出啲，我都加強咗胸肌同腹肌嘅訓練，瞇埋眼就係咁操，同埋做埋甩水嘅部分。之前做運動員就唔使甩水，但退咗役就要。」
另一亮點，則落在與Kyle及Gigi均有不少對手戲的林子超身上。飾演Gigi表哥的子超，為人八卦又娿哿，加上表情動作都超誇張，自然十分搶戲！為了加重特輯的喜劇感，監製林肯安排了一場極級搞笑歌舞場面給子超及麥玲玲，二人以極搶眼造型跳唱《熱力節拍Wou Bom Ba》，由於成件事極gag，令Gigi及張美妮一度嚇到天然呆！而在歌曲尾段，子超還大晒招牌柔軟身手、展示驚人一字馬，觀賞指數甚高。第三大亮點，是飾演Gigi爸爸的海俊傑。由於劇情講述海俊傑年青時亦與Gigi一樣有個歌手夢，並曾推出個人單曲，為了令事件更像真，劇組找來了海俊傑昔日的情歌王子獻唱片段加插劇中，保證有驚喜，萬勿錯過。
