43歲黃翠如自上月宣布懷孕後，繼續Keep住在社交網曬幸福，冬至當日，她就分享同老公蕭正楠在車上，分別大吃開心車仔麵和混醬腸粉照，又買了一棵名為幸運樹的植物，然後回家打機，但同時她自揭：「可能為今晚冬至太用心煮飯，留（流）了一點鼻血～」。
有網民留言稱大肚時經常流鼻血：「仲要一流流好多！但未陀B之前係無乜流過鼻血。」翠如亦回覆：「係喎，唔知點解？」有網民就安慰她：「我大肚時我成日流鼻血，醫生話係正常，因為激素令血管擴張充血，唔使驚。」翠如表示：「知道。」有網民就叫她：「煮飯交嗮俾蕭生啦蕭師奶！」她則笑回：「我打機裏面煮飯咋」；好友馬國明和陳自瑤就留言指他們「幸福」！
