天王劉德華「今天…is the Day」巡迴演唱會香港站昨晚（10日）完滿落幕，華仔在尾場依然狀態大勇，他向全場大叫：「我要好好地聽吓！聽日開始聽唔到，睇下嗌得幾耐。最後一場唔好留啦！由而家開始癲到尾，聽到呼喊聲先送歌畀你。」騷後，華仔在後台開香檳慶祝，接受訪問時表示想演唱會一直開下去，感恩72場巡唱相當順利，他又透露農曆年會與家人一起出遊。
華仔又指不想粉絲太擔心，故每晚開騷都會盡量小心，唱到《練習》時更刪除危險動作，他稱有時候小心都會有少許意外，為免觀眾掛住擔心所以改。他又指老婆朱麗蒨比較擔心，對方亦會受壓，「佢喺度我會好啲。」華仔表示妻女撐足72場，但每晚都公開招親老婆，問到是否多了很多老婆，他笑稱：「嗰啲玩啫，佢哋返去就唔記得㗎啦。」至於囡囡則指他跳錯舞。
講到對啟德新場會，華仔謂暫時未有諗法，提到有議員提議邀四大天王辦大型演唱會時，華仔則稱：「我想呀，真係想，因為我哋始終係一個年代嘅表演，如果可以一齊喺嗰度表演係一件盛事。」
