金像影后袁詠儀（靚靚）重返娘家拍攝新劇《模仿人生》，現正在深圳開工，無綫行政主席許濤日前親自去探班，許濤知道靚靚很久沒拍劇說：「多謝你返嚟！」靚靚亦跟許濤說：「你要多啲支持我哋呢套劇喎！」許濤即謂：「所以我咪嚟囉！」
自2009年為無綫拍畢《富貴門》後，靚靚相隔16年再次回巢拍劇，坦言全因總監製鍾澍佳這個人：「我幾鍾意佢近呢一段時間嘅作品，我都睇過一啲，佢亦都好好，之前都有問過我，但我話我想拍另一啲時，佢真係有啲我覺得幾得意嘅就考慮啦。」
靚靚表示頗喜歡《婚後事》一劇，讚好夠貼地，剛巧今次該劇兩位主要演員羅子溢和陳自瑤都有參與今次新劇演出，靚靚即自爆：「係呀，我哋做咗好大嘅爭取，喺合約有寫㗎！呢啲要求冇乜人做，通常係講開工時間，幾多錢，但我唔係，我就係要呢啲演員。 」至於老公張智霖，對她今次回巢大表支持：「因為佢覺得人一定要做嘢，唔做嘢就好容易好快死，唔可以咁早退休，要揀自己鍾意做嘅嘢，時間、環境容許就去做，日日坐喺屋企你眼望我眼，好快會鍊死對方。」
陳自瑤很期待跟靚靚對戲，坦言很開心跟靚靚合作。子溢則覺得是一個緣份，之前他跟張智霖合作過好幾次，今次首度跟靚靚合作，有好大新鮮感：「同埋一個咁重分量嘅演員，你一定會有一種戰戰兢兢，好興奮，好似第一次追女仔嘅感覺出現。」
影片來源：截圖tvb娛樂新聞台片段
