吳忻熹（前名吳文忻）最近接受方健儀主持的網台節目《女人方言》訪問，大談抗癌經過和內心世界。蓄着一頭短髮的吳忻熹表現精神，經歷生死令心態更為豁達，她再一次分享當初檢查到有異樣的經過，「當時係去推淋巴，推油師發現我胸好似有硬塊，佢都叫我去檢查吓，去到醫生嗰度佢都唔畀我走，即刻要『造影』，真係好痛！」她檢查當日正席農曆新年前席，加上要準備女兒生日會，所以只做手術而拒做化療療程，「我好怕畀家人知，怕佢哋擔心我，好低調咁入院做完手術就出院。因為我冇做化療，每半年就要去檢查一次，直到上年四月，腫瘤再次變大同埋擴展，我唯有接受化療同埋講出嚟畀人知。」
吳忻熹因為憂慮家人擔心，一直未懂如何開口道出病情，「我唔知點同啲女講，到化療前兩星期，覺得要講㗎喇，我話『媽咪生病，係癌症。』我以為囡囡會好擔心，點知佢話『我係咪要幫你鏟頭髮？』或者呢個都係教育之一。」
吳忻熹早年篤信風水，為保事業而「改名」，「以前『吳文忻』呢個名係『大凶』，唔係『大胸』啊！加上做娛樂圈，大把風水令你師傅出嚟幫你『指指點點』，但你依家經歷生死，我都睇得好透，依家叫翻我做『文忻』都唔會介意。」
回想宣布患癌初期，收到大量信息，令吳忻熹苦惱不已，「好多朋友短訊嚟都叫我唔使覆，但係有一個唔係咁熟嘅朋友就好肉緊問候，搞到我都唔知點咁，好似聽日就會死咁！」她坦言康復後，想圓歌手夢想，揚言將推新歌。
