張振朗和龔嘉欣在昨晚（19日）舉行的《萬千星輝頒獎典禮2024》上成為視帝和視后，但不少網民認為賽果爆冷。張振朗同時奪「馬來西亞最喜愛TVB男主角」成為雙料視帝，他坦言拿下大馬視帝後沒想過再拿視帝，結果太突如其來令他忍不住喊。
對被指爆冷，張振朗說：「我要多謝姚子羚，佢做宣傳嘅時候已經叫我做『視帝朗』，真係俾佢講中咗，要請佢食飯。頭先仲話諗住攞完馬來西亞視帝之後再等多幾年先，點知等咗50幾分鐘就中咗。我覺得要還神，做番多啲善事，可能係上世積落嘅福。」
視后龔嘉欣表示宣布得獎結果時心跳很快︰「兩位頒獎嘉賓話結果好驚喜嘅時候，我心跳好快，心諗有冇機會呢？依家嘅感覺好似好夢幻咁，事前冇諗過拎獎。」 對於被指爆冷，張振朗撐龔嘉欣向來好戲，得獎是實至名歸。龔嘉欣說︰「唔會因為被指爆冷而唔開心。獎項有限，好難攞，我冇諗太多，每一個角色都當最後一次去做，我盡咗力。」
