陳慧嫻《The Fabulous 40 Priscilla》演唱會昨晚（21日）在紅館開鑼，慧嫻以巨型花朵造型登場，相隔9年再度踏足紅館，覺得時間過得好快，她自言記憶變慢，笑指因為中過Covid，令記憶變差。演唱會去到中段，發生小意外，慧嫻換上深藍色絲絨公主裙，獻唱完《明日有明天》後，步回台中央，邊行邊問觀眾：「我靚唔靚？」忽然疑因步履不穩，慢動作絆倒在台上，音樂總監何秉舜即上前攙扶，但慧嫻擺出優雅甫士執生，笑說：「唔係吖，咁都幾靚吖 ！」到站起身時，她說：「係咪衰，都話咗唔好讚自己靚，立即唔靚嘞。」續說：「我是華麗的跌，大家可以讚我，我唔可以讚自己，哈哈哈！」
慧嫻在跳唱環節，以多首快歌串成Medley，到演繹《跳舞街》時，張敬軒登場，兩人約10年前認識，慧嫻透露當時軒仔計劃翻唱女歌手的歌，他的同事致電慧嫻，問她可有推介？最後軒仔揀選了《傻女》。
在間場時，播出慧嫻的預錄片段，她自言害怕孤獨，卻仍甘於做自己，又覺得自己已經好幸福，在過去40年擁有大家給予的愛，又指隨住年紀漸長，面對傷心的能力會愈來愈細，「如果我而家再搵一個人拍拖，希望可以搵個人係可以陪住我」，不會要求對方沒有缺點，或與自己在任何方面都好夾，能一起經歷開心與不開心，已經好好。安哥時，慧嫻再次與歌迷分享感愛，她認為作為歌手的天命，是做好自己的歌，用歌曲去為大家療癒、療傷，以及鼓勵到大家的人生。
更多現場圖輯：
