昨晚（22日）播出的一集《奔跑吧！勇敢的女人們》，分別上演三場天馬行空style的「大龍鳳」，劇情講述采琳（吳若希飾）為了投入小三角色，拉着禾平（朱敏瀚飾）到冰室扮演偷情戲碼，並分別以《花樣年華》的周慕雲及蘇麗珍Look上陣幫助入戲。Jinny首次嘗試旗袍造型，「因為要扮《花樣年華》，我事前都睇咗無數咁多次參考片段。」
另一幕，丁丁（蕭正楠飾）發現采琳與禾平在辦公室依偎入睡，打翻醋罈的丁丁出盡法寶將二人分開，卻令采琳與禾平齊齊跌入與丁丁火拼的夢境，以《Terminator》造型上陣的朱仔，戴上黑超後又型又酷，而他在電流包圍下出場時，更疑似全裸，脹卜卜的完美胸肌與疑似裸露的臀部相當吸睛。監製林瑋澄指朱仔演出時有打底，只是用特效抹走，被問到朱仔胸肌如此強勁，是否有後期加工？監製以四字簡單回應：「真材實料！」
第三場大龍鳳，是呷醋呷到上晒腦的丁丁，在家中不斷看到半裸的大隻禾平與老婆采琳上演各式各樣香艷場口。朱仔爆料指是蕭正楠及吳若希要求他除衫演出，「嗰場戲本身冇話要除衫嘅，但我記得我一入廠時，阿蕭同Jinny就話不如玩盡啲，你除衫淨係打條煲呔，咁好似funny啲。咁我覺得冇所謂啦，我本身拍呢套劇嗰輪都除開衫，都有個狀態喺度、有效果嘅，咁我就照除。」Jinny大讚朱仔穿著如此少布，絕不尷尬，非常大方，「所以令到我都完全唔覺眼前呢位仁兄係半裸，我拍拍吓有一刻係覺得佢穿咗一身肌肉衫，因為佢啲肌肉真係好perfect、perfect到假咁，但佢又真係冇著衫架喎。」
還有一幕講述丁丁約見禾平在游泳池一決高下，蕭正楠先以當年自己有份獻唱的《戀愛自由式》主題曲《可疑密友》其中一句歌詞「就當我對你太尊敬，約你去決鬥蝶泳」宣戰，再以「我練緊破冰轉身嘅時候，你都仲選緊最英俊王子咋」向朱仔挑機，暗寸朱仔未夠班與他爭吳若希，豈料係威係勢的阿蕭，一跳落水即浸親，夠創意又夠爆笑。
更多圖輯：
