吳大強（Bill哥哥）及吳偉豪（Ricco）近日再次「父子檔」上陣演出為迎接蛇年的賀歲宣傳片，並由小花羅毓儀、綠葉演員葉凱茵及黃子雄飾演吳偉豪妹妹、媽咪及Daddy。
故事講述吳偉豪因為工作關係未能飛往加拿大與家人共度農曆新年。當葉凱茵得悉兒子未能飛赴加拿大過年後，遂決定與黃子雄及羅毓儀一起飛返香港、為努力工作的吳偉豪送上驚喜。
雖然Ricco與爸爸Bill哥哥父子檔演出，但二人這次卻並非飾演父子，Bill哥哥在宣傳片中的身份是影樓老闆，並提醒Ricco為自己與家人留下美好時刻的重要性：「一家人可以留番個美好回憶，到你第日睇番時又會有唔同嘅感受。」
原來Bill哥哥本身亦十分重視全家福，11年前因有感一家人經常出入影樓拍廣告，於是乘機影了一張全家福；2年前，Bill哥哥有感大家近十年變化頗大，故與老婆及四名囝囝相約還原當年全家福，Bill哥哥說：「諗住同一個甫士擺番一樣，睇吓呢十年嘅變化。」在兩張全家福中，Ricco與細佬十年前後都巧妙地分別穿上橫間式及格仔紋「兄弟裝」。Bill哥哥續指當年影全家福相當大陣仗：「嗰時影張影樓相好大陣仗，但幾貴都會去影嘅，因為覺得必須要掛喺屋企咯。」
Bill哥自言重視農曆新年，即使細仔現時身處澳洲讀書，Ricco與其他兒子又各有各忙，但每逢農曆新年，一家六口還是會千方百計聚在一起，不是兒子由澳洲飛回香港，就是透過FaceTime聯誼一番，一家人感情要好。健談的Bill哥哥，談到與Ricco的難忘點滴時，竟揭出Ricco小時候曾於全家人外遊期間走失：「有次去內地旅行，好多人嘅，佢突然走失咗。我哋好驚，因為佢細個都受歡迎，好多人會抱佢，嗰時嗰幾分鐘個心真係非常焦急。後尾搵番佢時佢企喺度喊，嗰幕真係歷歷在目。」
