阮兆祥、梅小惠、江欣燕合作拍攝無綫節目《友乜唔講得》，並邀請《歡樂今宵》伯樂吳雨大哥、草蜢、汪明荃、黃百鳴、陳欣健、薛家燕、陳彥行、鄧兆尊、陶大宇、胡楓、廖碧兒、蘭茜、錢嘉樂、米雪、陳芷菁、鄧梓峰及曾志偉齊齊開心RE-U兼話當年。
祥師兄、小惠和欣欣每次見面都必定雞啄唔斷，一開始即輪流自爆入行時的難忘事、趣事甚至瘀事。小惠當年因為仰慕家姊梅小青，一心想先加入幕前再轉做幕後，18歲時已急不及待參加無綫當年舉辦的《健美小姐》競選，並成為大熱之一，她還親自揭開當年參選時皮膚過黑之謎。談到被指大熱倒灶，小惠忽然爆料指何守信（何B）是「罪魁禍首」：「我輸嘅原因應該係得罪咗何B先生。」小惠又自爆當年宣布賽果時，因一心覺得自己贏硬差點闖下大禍，幸獲何B打眼色提醒才免於當眾出醜。小惠透露比賽後更獲何B師傅親自打氣，「佢話雖然你輸咗，唔緊要，但係你好醒，你都應該啱做呢行嘅。」
至於祥師兄及欣欣，原來於中四期間已經透過電台節目認識，當年二人的綽號分別是「學界梅艷芳」及「學界陳百強」。祥師兄坦言當年第一次見到欣欣時，第一次感受到真正反差萌，皆因她望落平平無奇、兼戴住玻璃樽底一樣厚眼鏡，轉妝上台後即變了第二個人，「佢一變妝唱梅艷芳嘅歌，即刻變成迷你梅艷芳，似梅艷芳程度同依家一樣。」他並不忘搞笑扮窒欣欣，「即係由中四開始到依家扮梅艷芳嘅能力冇進步過嘅！」被問到如何發現自己似梅姐，欣欣笑說：「有日喺屋企睇睇吓電視，覺得佢把聲好得意，然後就咦？我都得喎。」欣欣又指自己其實完全唔識唱歌，當年參加《新秀》只是為了追星，「我係因為阿梅參加新秀嘅，太鍾意佢，當年演唱會百幾蚊張飛，但新秀報名費只係50蚊，我就可以見佢，好抵！」祥師兄難忘參加《新秀》期間，先後獲梅姐及張國榮當面鼓勵，「比賽完我喺走廊撞到梅姐，我問：『梅姐你有冇睇我表演呀？』梅姐話：『有有有，你唱得幾好吖，有機會頒獎畀你呀！』跟住完SHOW見評判，就見到我兩個偶像張國榮同陳百強，哥哥仲同我講：『其實雖然輸咗，但如果你真係鍾意唱歌嘅話，唔好放棄！」
節目首集嘉賓是電視製作經驗相當豐富的吳雨，當年除有份打造《歡樂今宵》成經典節目外，亦是《翡翠歌星賀台慶》的始創人。吳雨出名願意給機會有潛質新星，例如當年第一個看中戚美珍有走紅潛質！吳雨表示：「記得當年要搵『歡樂小姐』，嗰時有本藝人簿畀我哋揭，有次見到有個真係好靚嘅，原來係戚美珍！我就心諗點解呢個咁靚冇人要㗎？」吳雨又透露首屆《翡翠歌星》前夕，電視台意外發生大火，就在大家都覺得節目要胎死腹中之時，他卻沒有放棄，結果創造收視傳奇，整個故事相當峰迴路轉，當中更涉及群眾吃瓜心態！另外，吳雨還會大談當年金牌司儀鼎立時、幕後如何絞盡腦汁讓一眾阿哥阿姐覺得沒有被厚此薄彼、爆出昔日電視台爆粗情況最嚴重的兩位前輩，以及直指Live Show對電視台成長的重要性。
